Danglas Belenismo 2018: ‘One Cordillera, Yes to Autonomy'

DANGLAS, Abra, Dec.  (PIA) -- Nagsentro iti tema, “One Cordillera, Yes to Autonomy” ti rambak ti Belenismo 2018 iti ili a Danglas.

 

Iti panangilawlawag ni Mayor Florence Denise “Dr. Poyee” B. Bragas iti pormal a pananglukatda ti silaw dagiti Belen idi rabii ti Noviembre 21, impalagipna a maika-12 a tawen itan ti Belenismo ti Danglas.

Kinapudnona, ditoy laeng ili ti Danglas ti pakaar-aramidan ti Rambak ti Belenismo ditoy probinsia ti Abra. Tinawen nga agbaliw ti tema ti Belenismoda. Kasi di napan a tawen, dagiti Belen ti nadisenio basar kadagiti landmarks dagiti nadumaduma a nasion a kameng ti ASEAN gapu ta rinambakantayo ti  maika 50 nga anibersaryo  ti ASEAN.

Ita a tawen, dagiti met kangrunaan a landmarks dagiti innem   a probinsia ti Cordillera ken ti Siudad ti Baguio ti naaramid a taeng ti Nasantoan a Familia ni Apo Niño Jesus. Ditoy a nailadawan ti Belen segun kadagiti naidumduma a kultura dagiti probinsia ti Cordillera.

Agserbi met daytoy a Belenismo a mangsegged ti tarigagay dagiti umili a mangisikkil ti laban ti Cordillera maiturong ti autonomia wenno panagwaywayas kangrunaanna ita ta maipagpagna ti kampania maitunda ti federalismo.

Innala met ni Mayor Poyee daytoy a gundaway a nangilawlawag a maysa laeng a critenrion ti saan a natungpal ti LGU Danglas tapno magun-odna ti kangatoan a pammadayaw nga ipapaay ti Department of Interior and Local Government kadagiti top performing local government units iti pagilian. Ket inkarina a no isunto pay laeng ti mayor inton umay termino, maaladanton ti Seal of Good Local Governance  manipud iti DILG. (MTBB – PIA CAR, Abra)   

Belenismo 018 ti Danglas LGU a mangiladawan ti Nasantoan a Familia kadagiti innem  a probinia ken Siudad ti Baguio iti Rehion Cordillera.

By Maria Teresa B. Beñas

 

celogo

CONTACT US

(074)661-5599

Globe:0917-558-5303

321B Lopez Bldg., Session Road, Baguio City

press@cordilleraexpress.com