DepEd: Saan pay a maipakat ti baro nga Ortografia ti Ilokano

BANGUED, Abra, Dec. 20 (PIA) -- “Awan pay ti direktiba manipud kangatoan a turay ti Departamento ti Edukasion kanaig ti implementation ti Baro nga Ortografia ti Ilokano nga inaramid ti Komisyon ng Wikang Filipino (KWF).”

 

Dayta ti impatalged ni  Jan Nowell Peña, ti opisial a tagapagsarita ti DepEd-Abra bayat ti naangay a Kapihan sa Abra iti DZPA Studio.  

Impatalged ni Mr. Jan Nowell Peña, opisial a tagapagsarita ti Department of Education-Division of Abra nga awan pay pammilin manioud iti Central Office ti DepEd para ti implementasion ti Baro nga

Ti Baro nga Ortografia ti Ilokano a pinutar dagiti kameng Ilokano Commission iti KWF babaen ti panangidaulo ni Ms. Purificacion Delima ti mangaramat ti Tagalized a version ti ortografia ti Ilokano.  Banag a busoren dagiti napeklan nga Ilokano a mangsururot ti ortografia ti Bannawag a naipasdek pay idi tawen 1934 a pinasingkedan ti Tarabay iti Ortografia ti Ilokano a naimaldit idi 2012 kalpasan a mapaneknekan ti kinasamay daytoy nga ortografia.

Iti agdama, adun dagiti agsasaganad nga addang manipud ti nadumaduma a grupo ken institusion a mangidurdur-as ti pudpudno ken acceptable nga ortografia ti lengguahe nga Ilokano.

Kangrunaan kadagiti institusion ti Gunglo Dagiti Mannurat nga Ilokano ti Filipinas wenno ti nalatak a GUMIL; ti University of Hawaii nga addaan ti programa akademia iti ilokano Studies; ti Mariano Marcos State University iti Ilocos Norte nga addaan met laeng ti kurso a Master in Ilokano Studies; ken dadduma pay a gunglo dagiti propesional a mannurat pakairamananen dagiti nadumaduma a chapters ti GUMIL iti entero a lubong.

Ti KWF gandatna nga ipasdek ti nagkaysa nga ortografia dagiti nadumaduma a lengguahe ken lokal a pagsaao iti entero a pagilian ti Pilipinas a maibatay ti lengguahe a Tagalog kas mabigbig a Nailian a Pagsaao. Ngem, daytoy ti saan a kanunongan dagiti Ilokano argaman dadduma pay a lengguahe gapu ta ti kastoy nga estilo wenno wagas, dadaelenna ti integridad ken kaipapanan dagiti balikas nga ilokano. Maysa nga ehemplo ti lua (tears iti Ingles) a pinagbalin ti Ortografia ni Delima a luwa gapu ta agbaliw ti kaipapanan dagitoy dua a balikas. Ti luwa kayatna sawen, iyula. Isu a saan nga acceptable daytoy.  

Nairekomenda ngarud ken ni Mr. Stanley Millare a timmugaw idi iti Ilokano Commission ti KWF nga iparangda koma pay kadagiti maseknan ti inaramidda a baro nga ortografia sakbay nga adaptaren ti DepEd kas instrumento ti pagasuroda tapno di matikaw dagiti mangisursuro ken adalanda. (MTBB – PIA CAR, Abra)   By Maria Teresa Benas

 

celogo

CONTACT US

(074)661-5599

Globe:0917-558-5303

321B Lopez Bldg., Session Road, Baguio City

press@cordilleraexpress.com