Deprecated: Non-static method JSite::getMenu() should not be called statically, assuming $this from incompatible context in /home/cordille/public_html/templates/yoo_cloud/warp/systems/joomla/layouts/com_content/article/default.php on line 13

Deprecated: Non-static method JApplication::getMenu() should not be called statically, assuming $this from incompatible context in /home/cordille/public_html/includes/application.php on line 536

DOLE: Child Labor vs. Child Work

BANGUED, Abra, July 8(PIA) - - "Dakkel ti nagdumaan ti Child Labor ken Child Work ta ti Child Labor adda elemento na a pannakaabuso ti karbengan ti ubing idinto a ti Child Work ti kasapulan tapno maadalan ken madisiplinaan ti ubing tapno agbiag a nasaliwanwan."

 

Dayta ti impalgak ni Dr. Alexander Gumabol, hepe ti Department of Labor and Employment (DOLE) - Abra iti panagsaritana bayat ti 2nd Quarter Meeting dagiti opisiales ti Kalipunan ng Liping Pilipina (KALIPI) - Provincial Federation nga idauloan toy numo ti biang a naangay iti opisina ti Philippine Information Agency idi Hunio 29, 2018.

 Iti panangilawlawag ni Gumabol kadagiti elemento ti Child Labor, kinunana a makuna a Child Labor no ti ubing a trabahador ti agtawen nababbaba ngem 18 wenn menor de edad, agtrabaho iti deretso a walo wenno ad-adu pay nga oras iti agmalem, adda ti risgo ti trabahona wenno iti pagtrabahoanna, ken saan a maipaay kenkuana dagiti kangrunaan a kasapulanna kas ti nasayaat a taraon, pagtaengan, lupot ken panagadal.

 Iti sabali a banger, ti Child Work nasken nga agobra ti ubing iti pagtaengan tapno maadalan kadagiti aramid ti panagtagibalay kas ti panagluto ken panaginnaw ti nanganan, panagdalus ken panagipakni iti uneg ti balay ken paraangan, wenno tumulong iti negosio ti pamilia nga adda ti pannarabay ti nagannak ken awan ti risgo iti salun-at ken kinatalged na. Kasta pay a maikkan ti gundaway nga agay-ayam ken umaliwaksay ken maited dagiti kangrunan a kasapulanna iti biag a kas ti taraon, pagtaengan, lupot ken panageskwela.

 Iti Child Work, saan a matagabo ti ubing no di ket madisiplinaan laeng. Idinto a ti Child Labor, adda provision ti linteg mainaig ti pannakasalwad dagiti ubbing a masalungasing.

 Innayon pay ni Gumabol a dakkel ti akem dagiti kamkameng ti KALIPI iti pannakaipakat dagiti linteg and mangted proteksion kadagiti ubbing ken babbai kangrunaanna no dagitoy ti madangran babaen kadagiti lallaki.

By: Maria Teresa B. BeƱas (MTBB - PIA CAR, Abra)